LYRIC

Singers : Mohammed Rafi and Lata Mangeshkar

Music by : Mohammed Zahur Khayyam

Lyrics by : Sahir Ludhianvi

Female : Simati hui ye ghadiyaan
Phir se na bikhar jaayen
Phir se na bikhar jaayen

Male : Is raat me ji le ham
Is raat me mar jaayen
Both : Is raat me mar jaayen
Simati hui ye ghadiyaan

Male : Ab subahaa na aa paaye
Female : Aao ye duaa maange
Ab subahaa na aa paaye
Male : Aao ye duaa maange

Female : Is raat ke har pal se
Raate hi ubhar jaayen
Both : Raate hi ubhar jaayen
Simati hui ye ghadiyaan…

Female : Duniyaa ki nigaahe ab
Ham tak na pahunch paayen
Male : Duniyaa ki nigaahe ab
Ham tak na pahunch paayen

Female : Taaro me base chalakar
Male : Dharati me utar jaayen
Both : Dharati me utar jaayen
Simati hui ye ghadiyaan

Female : Haalaat ke tiro se
Chhalani hai badan apane
Haalaat ke tiro se
Chhalani hai badan apane

Male : Paas aao ke sino ke
Kuchh zakhm to bhar jaayen
Kuchh zakhm to bhar jaayen
Both : Simati hui ye ghadiyaan…

Male : Aage bhi andheraa hai
Female : Pichhe bhi andheraa hai
Aage bhi andheraa hai
Male : Pichhe bhi andheraa hai

Both : Apani hai wohi saanse
Jo saath guzar jaayen
Jo saath guzar jaayen
Simati hui ye ghadiyaan

Female : Aa aa aa
Hun hun hun
Ye ghadiyaan phir se
Hun hun hun
Simati hui
Hun hun hun
Bichhadi hui ruho kaa
Ye mel suhaanaa hai
Bichhadi hui ruho kaa
Ye mel suhaanaa hai

Male : Is mel kaa kuchh ahasaan
Jisamo pe bhi kar jaayen
Both : Jisamo pe bhi kar jaayen
Simati hui ye ghadiyaan…

Female : Tarase huye jazabo ko
Ab aur na tarasaao
Male : Tarase huye jazabo ko
Both : Ab aur na tarasaao
Male : Tum shaane pe sar rakh do
Female : Ham baanho me bhar jaayen
Ham baanho me bhar jaayen
Both : Simati hui ye ghadiyaan
Phir se na bikhar jaayen
Phir se na bikhar jaayen
Simati hui ye ghadiyaan


Added by

Nithya

SHARE

ADVERTISEMENT