Sunhari Kirne Song Lyrics

 

 

Male : Ye roshan sunhari si jhilmilti kirne
Ye pehle pehar ki si jagmagati kirne
Ye chidiyon ke sang sang chahakti si kirne
Ye phoolon ke rang rang mehakti si kirne
Dilom mein ummeede jagati si kirne

 

Male : Yeh le aati hai raat ke jaate jaate
Savere sahar bhor subah prabhate
Yeh sab lafz lagte hain sune sunaaye
Hum raato ke bashinde soe sulaaye

 

Male : Ye hai neend behoshi hai ya nasha hai
Ye susti ye masti khuda jaane kya hai
Toofan aaye ya ho koi aandhi
Ho gautam ya nanak bhagat singh ya gandhi
Bahut koshish ki nahi khol paaye

 

Male : Aankhon pe jo pattiyan humne bandhi
Hum sab hain tareekh raato ke aadi
Humein raat hi mein mili thi aazaadi
Humko to bas odhe rakhni hai chadar
Ho resham ya malmal ya khaki ya khadi
Ye andhiyaari chadar ya koi kafan hai
Wo suraj na jaane kahan par dafan hai

 

Male : Agar kho gaya hai use dhoondh la do
Agar so gaya hai to usko jaga do
Jo behosh hai to zara hosh la do
Gar mar chuka hai to milkar jala do
Jalega to kuch roshni hogi shayad
Duniya mein kuch khalbali hogi shayad

 

Male : Kahani ye tumne suni hogi shayad
Kuch subaheyn yun bhi bani hongi shayad
Ke kuch subaheyn yun bhi bani hogi shayad
Ke kuch subaheyn yun bhi bani hogi shayad
Ke kuch subaheyn yun bhi bani hogi shayad

 

Male : Ye roshan sunhari si jhilmilti kirne
Ye pehle pehar ki si jagmagati kirne
Ye chidiyon ke sang sang chahakti si kirne
Ye phoolon ke rang rang mehakti si kirne
Dilom mein ummeedein jagati si kirne

 

Male : Ye le aati hain raat ke jaate jaate
Savere sahar bhor subah prabhate
Ye sab lafz lagte hain sune sunaaye
Hum raato ke bashinde soe sulaaye